header image
 

Тыдзень беларускага пісьменства

ПАВАЖАНЫЯ ЧЫТАЧЫ!

 пав2Заканчваюцца летнія канікулы.пав1

Бібліятэка Віткі гасцінна адчыняе дзверы для вас! Тут вас чакаюць не толькі новыя кнігі, але і цікавыя мерапрыемствы. Так, з 3 па 7-га верасня будзе праводзіцца тыдзень беларускага пісьменства.

На працягу тыдня ў бібліятэцы будуць працавать пляцоўкі:

—        ТЭАТРАЛЬНАЯ (спектаклі па літаратурных творах);

—        МАСТАЦКАЯ (выстава работ коледжа-гімназіі імя І.Ахрэмчыка);

—        МУЗЕЙНАЯ ( дні адчыненых дзвярэй у філіяле музея часопіса “ВЯСЁЛКА”.

А яшчэ вас чакаюць:

— цікавыя сустрэчы з беларускімі пісьменнікамі У.М.Мазго і Наталляй Харытанюк;

— відэападарожжа па замках Беларусі;

— шырокі прагляд літаратуры;

— парад літаратурных герояў беларускіх пісьменнікаў з удзелам тэатра “ПАЦЕШКА”і мн інш.

 Тэл. для даведак: 2082721.

image1 (1)image1У панядзелак 7 верасня ў дзіцячай бібліятэцы № 6 імя Васіля Віткі святочна распачаўся Тыдзень беларускага пісьменства. На свята, адмыслова для ўрачыстага адкрыцця, завітаў даўні сябра бібліятэкі знакаміты пісьменнік, галоўны рэдактар часопісаў “Вясёлка” і “Буся” Уладзімір Сцяпанавіч Ліпскі.   Падчас сустрэчы прыгадвалі пра тое, як і калі распачалося святкаванне дня беларускага пісьменства, а таксама распавядалі, чаму сталіцай беларускага пісьменства ў гэтым годзе абраны Шчучын.

Уладзімір Сцяпанавіч – непасрэдны сведка святкаванняў у Шчучыне – падзяліўся сваімі ўражаннямі ад свята і ад конкурсу на лепшага чытальніка твораў беларускіх класікаў. Тут адразу ўзнікла ідэя – чаму б не вылучыць сярод прысутных чытачоў бібліятэкі лепшага чытальніка? Уладзімір Сцяпанавіч прапанаваў для чытання сваё апавяданне “Салдацкае пісьмо” і ахвотныя прыняць удзел адразу знайшліся.

Напрыканцы сустрэчы пісьменнік пажадаў прысутным развіваць уласныя таленты, каб стаць не толькі тым, кім хочацца, а каб пакінуць свой след ў гісторыі і памяці нашчадкаў.Тыдзень беларускага пісьменства толькі пачаўся, а гэта значыць, што наперадзе чытачоў дзіцячай бібляітэкі № 6 імя Васіля Віткі чакае яшчэ шмат цікавых мерапрыемстваў!