беларуская літаратура

Падведзены вынікі акцыі часопіса «Полымя» «Топ-10 любімых твораў беларускай класікі»

Як мы адносімся да беларускай літаратуры ХХ стагоддзя? «Мы» — гэта значыць, звычайныя беларусы: гараджане і вяскоўцы, фізікі і лірыкі, студэнты і людзі сталага веку, тыя, хто рэгулярна чытае айчынных аўтараў і для каго паняцце «айчынная літаратура» абмяжоўваецца двума-трыма імёнамі. Пытанне не новае, і ўвесну мінулага года рэдакцыя «Полымя» вырашыла паспрабаваць знайсці свой адказ на яго. На старонках нашага часопіса і газеты «Звязда», на палымянскім сайце, а таксама наўпрост звяртаючыся да бібліятэк, навучальных устаноў і звычайных чытачоў, мы аб’явілі пра пачатак акцыі «Топ-10 любімых твораў беларускай класікі», прапанаваўшы ўсім зацікаўленым запоўніць не дужа вялікую анкету. Прынцып яе запаўнення быў такі: насупраць сямі прапанаваных рэдакцыяй аўтараў (Янка Купала, Якуб Колас, Максім Багдановіч, Іван Мележ, Васіль Быкаў, Іван Шамякін і Уладзімір Караткевіч) трэба было ўпісаць адзін ці некалькі іх твораў, якія ўдзельнікі анкетавання лічаць сваімі любімымі. Калі ж у іх няма ніводнага любімага твора кагосьці з прапанаваных класікаў, насупраць імя гэтага пісьменніка трэба было паставіць прочырк. Улічваючы, што ў кожнага з чытачоў могуць быць свае любімыя пісьменнікі, якія не ўвайшлі ў спіс, складзены ў рэдакцыі, яшчэ тры імёны айчынных аўтараў мы прапанавалі ім, чытачам, упісаць самім.

Працяг чытайце тут

Крыніца: Полымя. —2015. — №1. — С.168 —171