header image
 

родная мова

IMG_3066Мова – часткаIMG_2924 чалавечай культуры, гістарычнай спадчыны. Дзякуючы ёй, працягваюць жыць традыцыі. У дзіцячай бібліятэцы № 3 прайшоў тыдзень “Роднай мовы”. Кожны дзень на працягу тыдня гучала беларуская мова. Пачаўся тыдзень з фальклорна-лінгвістычнага конкурсу “Колькі ў мове дзіўных фарбаў” і мазгавога штурму “Гаворым па-беларуску”,  а таксама майстар-класа па стварэнні беларускага адзення. Адбылося пасяджэнне клуба “Шабаноўскія званочкі”, прайшла акцыя “Сёння ў нас беларускі чацвер”. На працягу тыдня бібліятэкары для хлопчыкаў, дзяўчынак і іх бацькоў арганізавалі шмат цікавых сустрэч з майстрамі беларускага слова: Міколай Чарняўскім, Георгіем Марчуком, Аксанай Спрынчан і беларускім музыкай, гісторыкам, літаратарам і калекцыянерам музычных інструментаў Ярашам Малішэўскім. Мікола Чарняўскі чытаў вершы і загадваў загадкі, Георгій Марчук паставіў сапраўдны міні-спектакль з удзельнікамі сустрэчы, Аксана Спрынчан і Яраш Малішэўскі выступалі як творчы дуэт, гучала музыка, вершы і песні. Яраш прывёз з сабой шмат музычных інструментаў, дзеці змаглі не толькі пачуць унікальныя інструменты, але і дакрануцца да іх. Неабходна адзначыць, што ўсе мерапрыемствы праходзілі ў рамках праекта “Гучы, родная мова” і бібліятэчнага марафона “Гучыць беларускае слова”.

20190221_14513421 лютага,viber image 2019-02-21 , 15.11.46 акурат у Дзень роднай мовы, дзіцячая бібліятэка №14 запрасіла ў госці шмат людзей, каб адзначыць гэтае цудоўнае Свята разам. Вельмі прыемна, што многія з прысутных – нашы чытачы: некаторыя дык і вельмі часта наведваюць нас! Запрасілі мы іх невыпадкова. Ёсць цудоўная нагода. Кожны год 21 лютага ва ўсім свеце шырока адзначаецца Міжнародны дзень роднай мовы. Ён быў абвешчаны ЮНЭСКА 17 лістапада 1999 года. Святкаванне Міжнароднага дня роднай мовы ў нашай краіне – гэта добрая нагода для таго, каб падтрымаць і падкрэсліць нацыянальную адметнасць другой дзяржаўнай мовы – беларускай. Каб менавіта праз мову захаваць нацыянальную самабытнасць нашага народа, увогуле беларускай нацыі. Нават у Кодэксе аб культуры Рэспублікі Беларусь прапісана: “Беларуская мова (вусная і пісьмовая) – гэта нематэрыяльная каштоўнасць беларускай дзяржавы”. Запрошаныя школьнікі, па-свойму адзначылі гэтае свята ў рамках цэлага тыдня беларускай мовы і літаратуры. А мы, са свайго боку, таксама: на старэйшым абанеменце дзейнічае выстава “Чытайма беларускае:)”, праводзілася квэст-акцыя для дарослых і дзяцей “Скарбы мовы”… І, вядома ж, наш праект “Беларусь маладая” не мог не ажыццявіцца ў такі знакавы дзень. Мы прысвяцілі яго спеўнай, сакавітай мілагучнай роднай беларускай мове. Таму і невыпадкова, што мы зноў назвалі нашу імпрэзу так: “Гучыць беларускае слова, песняй льецца яно…”. Спецыяльна да нас на Свята ў госці завітаў надзвычай таленавіты чалавек – беларускі малады творца, прыгожы і абаяльны, крэатыўны і дужа пазітыўны, вясёлы і жартаўлівы Андрусь Такінданг, які піша вершы, музыку і малюе карціны. Да таго ж раней ён працаваў тэлевядучым, у тым ліку з яго ўдзелам выходзілі рубрыкі “Беларуская мова” у перадачы “Наша раніца”, што на канале АНТ. А. Такінданг скончыў мастацкі каледж імя Ахрэмчыка і Дзяржаўны беларускі ўніверсітэт культуры і мастацтваў. Удзельнік гуртоў Recha і “Гаротніца”. Сёння працуе мастаком-ілюстратарам. Наш госць – сапраўдны музыка! Грае на розных музычных інструментах. На свята захапіў дзве домбры і пад іх спяваў цудоўныя песні асабістага выканання. Жыва, бадзёра і крэатыўна знаёміўся з падлеткамі, размаўляў з імі на розныя тэмы: пра тое, што яны любяць чытаць, якую музыку слухаюць, чым наогул захапляюцца. Напрыканцы імпрэзы мы нават патанцавалі пад яго хіт “Беларускую мову вучы”. Шмат пазітыву і аптымізму, сонечнай энергіі, цудоўнага настрою падараваў нам спадар Андрусь. І, сапраўды, у сценах нашай установы лілося прыгожае роднае беларускае слова. Як сказаў Якуб Колас: “Ніякае багацце людзей не бывае даражэйшым за іх родную мову”. Са Святам усіх нас!  

 

iKp-dCHSE3k“НайвялікшымIuoRqFN38t4 духоўным багаццем народа з’яўляецца яго мова. У мове адлюстроўвалася гісторыя народа, яго працоўнае жыццё, яго барацьба, яго смутак і радасць, яго прырода, яго любоў і гнеў”- гэтыя словы як запавет пакінуў Якуб Колас для нашчадкаў. І сёння гэтыя словы Песняра  ўзгадваем з вялікай пашанай. Мы жывем у цудоўнай краіне пад назвай Беларусь. І павінны ведаць сваю мову і гісторыю, сваю культуру. 21 лютага адзначаецца Міжнародны дзень роднай мовы. Да нас у госці завітала дзіцячая пісьменніца Галіна Пшонік. Дзеці праслухалі новую цікавую казку пісьменніцы, пачулі цудойную родную мову. І нават самі дэкламавалі ўрыўкі з казак на беларускай мове. А напрыканцы ніяк не маглі развітацца. Дзень роднай мовы атрымаўся прыгожым і насычаным.

- Ты адкуль бруішся,

Мова?..

- З сініх нёманскіх крыніц…

Па зямлі збіраю словы,

Нібы россыпы суніц.

Мілая, адзіная,

Нам, нашчадкам,

Дадзена

Любаю радзімаю

Ад дзядоў і прадзедаў.

Хай вядзьмараць

Навальніцы,

Снегападаў касякі,

А табе вякі бруіцца —

А затым —

Яшчэ вякі!..

(Уладзімір Мазго “Родная мова”)

52522658_605232209920969_3019947632173776896_nТыдзень52427890_620588235046665_4908038375304331264_n беларускай мовы падарыў чытачам дзіцячай бібліятэцы №10 сустрэчу з вядомым беларускім паэтам Уладзіміраў Мазго — лаўрэатам прэміі Федэрацыі прафсаюзаў Беларусі і літаратурнай прэміі «Залаты Купідон». Ён распавядаў з шасцікласнікамі пра гістарычную і духоўную спадчыну беларускага народа. Аўтар запрасіў юных чытачоў адкрыць для сябе таямніцы Наваградскага замка, высокае майстэрства слуцкіх ткачоў, якія стварылі паясы беларускай красы, зірнуць на акаляючы свет праз байніцы Сынкавіцкай царквы-крэпасці, прайсціся па Ганненскім кірмашы ў Зэльве, які раней быў другім па памеры кірмашом Старога Свету пасля Лейпцыгскага… — Без мінулага няма будучага, таму трэба шанаваць і захоўваць нашу адвечную спадчыну, нашу родную беларускую мову, — сказаў Уладзімір Мінавіч.

IMG_20190130_102633Чытанне наIMG_20190130_120759 роднай мове можа быць захапляльным, цікавым і зусім нясумным, нават, калі ты не ведаеш многіх слоў. А калі яшчэ кніга цікавая і самому можна пабыць акцёрам, дык і зусім шыкоўна атрымоўваецца. Гучнае чытанне кнігі Вольгі Гапеевай “Дзве авечкі”у дзіцячай бібліятэцы №4 прайшло весела. Шмат новых слоў дабавілі да свайо слоўнічка. Наступнае чытанне адбудзецца 6 лютага ў 11гадзін. Прыходзьце!