header image
 

Нурдквист Свен

свен4Яркая,свен5 вясёлая, тэатралізаваная прэзентацыя кніг Свэна Нурдквіста прайшла сёння ў дзіцячай бібліятэцы №6 ім. В. Віткі для чытачоў трэціх класаў 105-й сталічнай школы. Нашымі гасцямі былі пісьменнік Аляксей Шэін і Таццяна Крыцкая-стваральніца арт-праекта «Альтанка для чытанкі». Лялечны тэатр » Пацешка «прадставіў музычны спектакль па кнізе С. Нурдквіста»Петсан сумуе». Феерычная, жывая пастаноўка выклікала шчырае захапленне маленькіх гледачоў. Далей нашы госці знаёмілі дзетак з іншымі кнігамі выдатнага шведскага аўтара, які стаў класікам дзіцячай літаратуры. Свэн Нурдквіст атрымаў сусветную вядомасць і стаў лаўрэатам прэстыжных літаратурных прэмій. Нездарма яго гісторыі пра Пэтсана і Фіндуса палюбіліся ўсім дзецям. А калі аповяд агучвае сапраўдны пісьменнік, гэта ўдвая цікава. Гучныя чытанні ўжо сталі традыцыйнымі ў многіх дзіцячых бібліятэках горада. Аляксей Шэін правёў літаратурную віктарыну, па выніках якой уручыў пераможцам прызы, а наша госця Таццяна правяла экспрэс майстар-клас па вырабе катка з папяровай шкляначкі. Як заўсёды, літаратурная прэзентацыя прайшла на «ура», бо бібліятэка ператварае чытанне ў свята, гульню, прыгоду!

3Сімпатычныя і забаўныя 4героі Пэтсан (Андрэй Такінданг) і Фіндус (Валерыя Валадзько), якія ажылі са старонак кніг шведскага аўтара, не маюць патрэбы ў прадстаўленні — яны вельмі папулярныя па ўсім свеце, у тым ліку і ў Беларусі. На нашай роднай мове ілюстраваныя гісторыі пра дзядулю Пэтсана і кацянятка Фіндуса пабачылі свет у серыі «Каляровы ровар».

А сёння Пэтсан і Фіндус завіталі  да нас у госці. Разам з маленькімі гледачамі вывучалі новыя беларускія словы, спявалі і танчылі разам, вучыліся казаць адно аднаму “Калі ласка” і “На здароўе”, і даведваліся якім чынам героі адпужвалі ад сваёй хаты ласага да курэй ліса.