Да года малой радзімы

7dU5d4BFj_M18 кастрычнікаJOnlbepnljg ў дзіцячай бібліятэцы №14 беларускамоўны праект “Чытанне з Буслікам” адправіўся ў віртуальнае падарожжа па краіне Беларусь. Адбылося знаёмства з Гродзенскай вобласцю. “Бусляняты” слухалі ўважліва, адкрывалі для сябе славутасці і знакамітасці гэтага рэгіёна. Аказалася, што многія школьнікі ўжо наведвалі разам са сваімі бацькамі розныя беларускія мясціны, у тым ліку, пабывалі і на Гродзеншчыне. Але ўсім было вельмі карысна і пазнавальна далучыцца да нашай багатай гістарычнай спадчыны, хоць і віртуальна, праз прэзентацыю, пераканацца ў тым, што беларуская зямля ўнікальная, са сваёй самабытнай культурай і прыродай. Так, дзеці даведаліся пра замкі абарончага тыпу, такія як: Мірскі, Лідскі, Ашмянскі і Стары замак у Гродна. Убачылі выявы помнікаў мураванага дойлідства – Каложскую (Барысаглебскую) і Сынкавіцкую цэрквы. Уразіліся прыгажосцю і веліччу фарных касцёлаў Францыска Ксаверыя ў Гродна і Божага цела ў Наваргадку. Цяпер “бусляняты” будуць ведаць, што гродзенская зямля нарадзіла і на некаторы час прытуліла вядомых беларускіх пісьменнікаў: А.Міцкевіча, Цётку, М.Багдановіча. Дзеці адкрылі для сябе, што Белавежская пушча, наш Нацыянальны парк, таксама займае адну трэцюю частку Гродзеншчыны, а праз Аўгустоўскі канал можна патрапіць у суседнюю Польшчу. Зноў пераканаліся ў тым, што якасная прадукцыя гродзенскіх прадпрыемстваў (гродзенскага мясакамбіната, прадпрыемства “Малочны Свет” і абутковай фабрыкі “Нёман”) шырока распаўсюджана не толькі на Беларусі, але і за яе межамі, таксама даступна нам, мінчанам. Самым цікавым для ўсіх была сустрэча са Сварабабкай – гераіняй нашага праекта “Чытанне з Буслікам”. Аказалася, што Сварабабка родам з Зэльвы, што таксама з’яўляецца мястэчкам на Гродзеншчыне. Яна сама вельмі цікавала расказала дзецям пра сваю Малую Радзіму, потым правяла некалькі займальных гульняў, тэматычна звязаных з гродзенскім краем. Усе засталіся задаволеныя: атрымалі і каштоўныя веды, і зарад пазітыву, і дамашняе заданне. “Буслянят” чакае наступная сустрэча і знаёмства з новым рэгіёнам Беларусі…

Вы можете оставить комментарий, нажав здесь