Бачу Беларусь такой

3У дзіцячай1 бібліятэцы №3, як у казцы. У холе бібліятэкі чытачоў чакае фотавыстава Лідзіі Куліш, якая бачыць беларускую прыгажосць у любую пару года ў вялікім горадзе і ў маленькай вёсцы. Шчаслівыя твары бацькоў і маленькага браціка, альтанка ў парку, белыя бярозкі, голуб, які гуляе па набярэжнай Свіслачы, гусі ўзлезлі на стог сена – усё гэта наша Беларусь. Пасля знаёмства з фотаздымкамі Лідзіі, вы можаце адправіцца направа, дзе размешчаны малодшы абанемент. Якой вы тут пабачыце нашу Беларусь? На насценнай выставе вы ўбачыце шэсць абласцей, кожная з якіх славіцца сваімі мясцінамі і помнікамі. А  васількі і каласкі хлеба сведчаць аб гасціннасці нашай краіны. Магчыма, вы з хола пойдзеце налева, і аб гэтым не пашкадуеце, бо Беларусь, гэта зямля адзначаная Богам. Супрацоўнікі чытальнай залы бачаць, што людзі не адракаюцца ад сваіх вытокаў, ўшаноўваюць традыцыі продкаў, а “святыя лікі” захоўваюць мір і дабрабыт на нашай зямлі. На выставе прадстаўлены іконы і ўсё, што звязана з традыцыйна-бытавой культурай Беларусі. Яшчэ можна адправіцца прама і трапіць на старэйшы абанемент. Тут вас чакае кніжная выстава, якая пазнаёміць з рознымі куточкамі нашай квітнеючай Беларусі, багатай на жывёльны і раслінны свет, на рэкі і азёры. Беларусь – “сінявокая” краіна,  якая з’яўляецца “лёгкімі” Еўропы і славіцца турызмам. Калі вы ўважліва паглядзіце на выставу “Бачу Буларусь такой”, 2убачыце4 кнігу з аднайменнай назвай. Кніга выйшла ў Выдавецкім доме “Звязда” да Году малой Радзімы, складальнікам выдання выступіла першы намеснік старшыні Саюза пісьменнікаў Беларусі Алена Стэльмах. Аўтар выдання і фотаздымкаў Уладзіслаў Цыдзік разам з беларускімі паэтамі выказваюць праз кнігу свае шчырыя пачуцці да роднай зямлі.    Запрашаем у бібліятэку, каб пазнаёміцца з выставамі “Бачу Беларусь такой”, праз якія супрацоўнікі бібліятэкі выказваюць сваю любоў да Радзімы.

Вы можете оставить комментарий, нажав здесь