Прэзентацыя кнігі “ Беларускі палкоўнік” у дзіцячай бібліятэцы №2

P_20181116_142259ЛістападаўскімP_20181116_150053 днём у дзіцячай бібліятэцы №2 адбылася прэзентацыя кнігі маладога беларускага аўтара Яўгена Зубовіча — “Беларускі палкоўнік”. Гэта кніга пра вернасць і здраду, складаныя жыццевыя выклікі, любоў да Бога, каханне да дзяўчыны. Раман адлюстроўвае складаныя падзеі сярэдзіны 17 стагоддзя на Беларусі. Спадар Яўген вельмі харызматычны малады чалавек, які не толькі піша кнігі, але і грае на дудзе, цікавіцца гісторыяй, валодае некалькімі мовамі. Падлеткі з 53 мінскай школы не толькі ўбачылі тэатралізацыю па матывах кнігі, але і  адзенне, у якое апраналіся шляхцічы ў тыя часы, а таксама старажытныя музычныя інструменты. А напрыканцы адбылася цікавая віктарына на веданне гістарычных  беларускіх слоў. Самыя актыўныя ўдзельнікі атрымалі падарункі. Сустрэча атрымалася вельмі насычанай. Пра многае даведаліся, шмат чаго ўбачылі, паслухалі старажытную музыку. Да новых сустрэч!

Вы можете оставить комментарий, нажав здесь