header image
 

ЧТО БЫЛО

березовскаяПраходзіла яна з 6 па 10 лютага 2019 года ў Мінску. Асноўныя тэмы выставы-кірмашу– Год малой радзімы і II Еўрапейскія гульні. У гэтым годзе ўпершыню Цэнтралізаваная сістэма дзіцячых бібліятэк г.Мінска ўдзельнічала ў мерапрыемствах гэтай выставы.

 

 

Чытаць далей

IMG_281121 лютага ўIMG_2802 свеце адзначаецца Міжнародны дзень роднай мовы. Ён быў абвешчаны UNESCO 17 лістапада 1999 года. Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю.  Беларуская мова – жывая і чароўная, “з легендаў і казак” сатканая, “вобразная, вольная, пявучая”,  цудоўная родная мова. Калі мы чуем яе – ці то сучасную літаратурную, ці змешаную «трасянку», або мясцовую дыялектную – гэта ўсё яна – наша беларуская мова. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету. Выстава-інсталяцыя да Міжнароднага дня роднай мовы пад назвай “ВУЛІЦА БІБЛІЯТЭЧНАЯ ”  21 лютага ўтульна размясцілася ў Цэнтральнай дзіцячай бібліятэцы імя М.Астроўскага. На бібліятэчнай вуліцы заўсёды добры настрой і сонечнае надвор’е. Маленькія чытачы могуць не толькі пагуляць у лялькі, але і праверыць свае веды: трэба як мага болей прадметаў на інсталяцыі назваць па-беларуску. Любіце і шануйце родную мову!

IMG_277320 лютага ўIMG_2798 Цэнтральнай дзіцячай бібліятэцы імя М.Астроўскага прайшло гучнае чытанне беларускіх народных казак пад назвай “Людзей слухай, а свой розум май”. Сустрэча адбылася  напярэдадні Міжнароднага дня роднай мовы (21.02). Казкі прысутнічаюць у жыцці кожнага чалавека з дзяцінства. Казка ­– гэта не проста забава. У ёй хаваюцца назапашаныя стагоддзямі і пакаленнямі веды. Гэта пасланне нашчадкам пра тое, як жыць, любіць, сябраваць, дзейнічаць у складаных сітуацыях, як будаваць сям’ю, адносіны паміж мужчынам і жанчынай, паміж бацькамі і дзецьмі. У той момант, калі дзіця слухае казку, у глыбіні яго душы адбываюцца пераўтварэнні. Казка не проста настаўнік, яна добры лекар, які дапаможа перажыць гора, смутак, трывогу. У цудоўных казках нашага народа – жыццёвая мудрасць і духоўныя каштоўнасці, уласцівыя менавіта беларускім людзям. Беларускія казкі павучаюць, падказваюць, перасцерагаюць, развіваюць увагу, памяць, мысленне. Іх карысна ўводзіць у жыццё дзіцяці ў любы час. На сустрэчы з вучнямі мінскай школы №67 мы засяродзілі ўвагу менавіта на казкі пра жывёл – сапраўднае багацце беларускага фальклору, дзе кожны персанаж мае характар чалавека. Хлопчыкі і дзяўчынкі адразу зразумелі, хто добры, а хто злы і хітры. Для чытання і абмеркавання наўмысна ўзялі кароткія, з простым сюжэтам, невялікай колькасцю персанажаў, дзе выразна супрацьпастаўляюцца дабро і зло. Чытанне трох казак суправаджалася тэатральнымі элементамі і гульнёй з цацкамі. Казачная віктарына праверыла памяць школьнікаў. Падарункі атрымалі самыя ўважлівыя. Казка – адзін з тых колераў вясёлкі, які робіць дзіцячы свет больш цёплым і сардэчным. Чытайце беларускія народныя казкі! Са святам роднай мовы!

3 015 гл19 лютага ў3 030 рамках Тыдня роднай мовы ў Цэнтральнай дзіцячай бібліятэцы імя  М.Астроўскага прайшла прэзентацыя новай кнігі “Радка жывога пілігрымы…” паэта, перакладчыка Іны Мікалаеўны Фраловай. У кнізе змешчаны пераклады як сучасных майстроў высокага мастацкага слова, так і класікаў. На сустрэчы прысутнічала шмат знакамітых гасцей. Казімір Камейша, Вольга Сакалова і Лідзія Шагойка выказалі словы шчырай падзякі Іне Мікалаеўне за цудоўныя пераклады. Пажадалі творчых поспехаў і выхаду новых кніг. На працягу ўсёй сустрэчы гучалі вершы паэтаў свету ў перакладзе таленавітай паэтэсы. Бард Андрэй Зыгмантовіч, які выконваў песні “Белыя берагі”, “Штрафная рота”, і танцавальны калектыў “Dance top” пад кіраўніцтвам Ліліі Лучко кранулі сэрцы ўсіх прысутных і вельмі ўпрыгожылі нашу паэтычную гадзіну. Са святам роднай мовы!

автографЯк вырассказ ўяўляеце сабе Лаўрэата Дзяржаўнай прэміі ў галіне літаратуры? Напэўна, чакаеце ўбачыць такога строгага і ганарлівага чалавека? Але ўсё гэта не пра Георгія Марчука*. Ужо з першай хвіліны ён зачараваў не толькі падлеткавую, але і дарослую аўдыторыю расповедам пра смешныя сітуацыі са свайго школьнага юнацтва, некаторыя з якіх сталі часткай сюжэту вядомага рамана «Кветкі правінцыі».

Чытаць далей

3FYL2g_xkOoТыдзеньk9qsfO-7It4 беларускай мовы пачаўся ў дзіцячай бібліятэцы N10 ўрачыста — з канцэрта-інтэрактыву «Мой родны кут, або Спяваем па-беларуску». Праніклівыя спевы салісткі Тэатра Оперы і балета Беларусі Дыяны Хрышчановіч нікога не пакінулі раўнадушным. Васьмікласнікі з задавальненнем спявалі разам з ёй «Спадчыну» і «Купалінку». А тэатралізаваная імпрэза на песню «Касіў Ясь канюшыну», у якім прынялі ўдзел самі хлопцы і дзяўчаты, выклікала буру пазітыўных эмоцый. Напрыканцы канцэрту Дыяна сказала: «Беларуская літаратура і музыка атачалі мяне з самога дзяцінства. Лета я праводзіла на дачы ля Вязынкі — радзімы Янкі Купалы. Там было так добра і прыгожа! Гэтыя месцы натхнілі мяне на творчасць. Я палюбіла чытаць і гаварыць па-беларуску. Беражыце, шануйце і паважайце сваю родную мову!»

сайт6Кнігі, асаблівасайт4 сучаснае фэнтэзі, — гэта не толькі пра тое, як і што варта чытаць. Гэта яшчэ пра тое, як гуляцца з тэкстам. Вось на апошняй сустрэчы мы паспрабавалі зладзіць квэст-настолку па матывах «Часодеев» Наталлі Шчэрбы. Удзельнікам давялося не толькі напружваць памяць, але і дэманстраваць рыхтоўнасць працаваць у камандзе ды добрую фізічную форму! А вы кажаце, кніжкі — гэта сум і самота! Завітвайце да на нас!

3 073 блогЗ 18 па 243 090 блог лютага 2019 года  ў Беларусі праходзіць Тыдзень роднай мовы, у рамках  якога  18 лютага ў Цэнтральную дзіцячую бібліятэку імя М.Астроўскага быў запрошаны гісторык, пісьменнік, адзін з родапачынальнікаў руху ваенна-гістарычнай рэканструкцыі Юрый Усціновіч. На цудоўнай роднай беларускай мове наш госць расказаў пра гісторыю станаўлення гістарычнага прыкладнога руху на тэррыторыі сучаснай Беларусі. Вучні 6 “А” і 7 “А” класаў 160-й мінскай школы і 6 “В” класа 146-й гімназіі з вялікай цікавасцю слухалі пра ўзбраенне ваяроў земляў Вялікага Княства Літоўскага ў канцы XIV — пачатку XVI ст. Нашы чытачы мелі магчымасць убачыць сабраную ім калекцыю даспехаў і халоднай зброі на рыцара ВКЛ розных часовых эпох. Дзеці вельмі зацікавіліся адзеннем і зброяй рыцараў, задавалі шмат пытанняў. Таксама наш госць падрыхтаваў невялікую віктарыну па гісторыі Вялікага Княства Літоўскага. Вельмі прыемна адзначыць, што вучні таксама па-беларуску правільна адказвалі на прапанаваныя пытанні. Чатыром самым актыўным падлеткам Юрый прапанаваў паўдзельнічаць у шляхецкай забаўцы з шабляй. Вялікі дзякуй Юрыю Усціновічу за незвычайную сустрэчу, якая выклікала жывы інтарэс не толькі ў дзяцей, але і настаўнікаў! З надыходзячым святам роднай мовы!

IMG_2770МеждународноеIMG_2774 благотворительное общественное объединение «София» в стенах детской библиотеки № 3 представило для учащихся  СШ № 186 кукольный спектакль о счастливой семье. Ребята с большим интересом посмотрели спектакль и с удовольствием принимали участие в представлении. Участники объединения «София» с помощью кукол, в доступной для детей форме объяснили, что самое главное в этом мире – это семья. Для того, чтобы все были счастливы, необходимо говорить «нет» всем вредным привычкам, слушаться родителей и беречь друг друга. Мероприятие получилось радостным, позитивным и оставило незабываемые впечатления у всех присутствующих.

IMG_2834У Дзень дабрыні,IMG_2790 17 лютага, дзіцячая бібліятэка прымала сяброў: пісьменніка, перакладчыка, барда Сержа Мінскевіча і дзяцей з нядзельнай школы пры храме Мікалая Цудатворца. Гэта была незабыўная сустрэча. Адбылася прэзентацыя кнігі Сержа “Вялікія прыгоды Какоса Маракоса”, якая падобна да дзіцячай энцыклапедыі пра марскіх жывёл. Падчас сустрэчы дзеці пазналі многа цікавага пра жыхароў мора, адказвалі на пытанні, слухалі аўтарскія песні і спрабавалі сябе ў ролі мастакоў. Добрыя і цёплыя адносіны панавалі ў бібліятэцы на працягу двух гадзін. Сустрэча  дзяцей з пісьменнікам перарасла ў сапраўднае сяброўства.